`მრეწველები` ცესკოსგან საარჩევნო სიების ფორმირებასა და მის გადამოწმებას კიდევ ერთხელ მოითხოვენ.

`გადამოწმების შედეგად აღმოჩნდა, რომ საარჩევნო სიებში ისევ სრული ქაოსია. დაფიქსირებულია არარსებული კორპუსები და გამოგონილი სახელები და გვარები. ჩვენი დემოგრაფიული მდგომარეობიდან გამომდინარე საეჭვოა, რომ საქართველოს მოსახლეობის რაოდენობა ყოველწლიურად 10 ათასობით ადამიანით იზრდებოდეს,` განაცხადა ზურაბ ტყემალაძემ საგანგებოდ გამართულ პრესკონფერენციაზე, რომელზეც საარჩევნო სიების მონიტორინგის პირველი ათი დღის შედეგები გააჟღერა.

`მრეწველები` საარჩევნო დარღვევებთან დაკავშირებულ ინფორმაციას მედიას პერმანენტულად მიაწვდიან.
ამავე თემაზე დღეს გამოძიების დაწყება მოითხოვა რესპუბლიკური პარტიის წარმომადგენელმა თინა ხიდაშელმა.

რამდენიმე საათით ადრე კი საარჩევნო სიებში არსებულ უზუსტობებზე ჯონდი ბაღათურიამაც ისაუბრა.