| მთავარი » ფაილები » News |
უკრაინაში წინასაარჩევნო - სიჩუმის დღეა
| 2010-01-17, 3:59 AM | |
 საპრეზიდენტო არჩევნების წინ, უკრაინაში შაბათი ”სიჩუმის დღედ” გამოცხადდა. 15 იანვარს პრეზიდენტობის ძირითადმა კანდიდატებმა სატელევიზიო მიმართვები გააკეთეს, შაბათიდან კი საარჩევნო კანონმდებლობა ყოველგვარ აგიტაციას კრძალავს. დღეს სახელმწიფოს მეთაურის პოსტის მსურველ 18-ვე კანდიდატს ტაიმაუტის აღების, უკრაინის 37 მილიონიან ამომრჩეველს კი - ხმის მიცემამდე, კარგად დაფიქრების საშუალება ეძლევა. ექსპერთთა შეფასებით, ამჟამინდელი რამდენიმეთვიანი საარჩევნო კამპანია ნაკლებად აქტიური და მკვეთრი იყო, ვიდრე 2004 წლის, რომელიც ”ნარინჯისფერი რევოლუციით” და ”მესამე ტურით” დასრულდა და რისშედეგადაც ხელისუფლებაში მოვიდა კოალიცია ვიქტორ იუშჩენკოსა და იულია ტიმოშენკოს მეთაურობით. უკრაინელი და უცხოელი პოლიტოლოგები ერთხმად საუბრობენ ”ნარინჯისფერი დემოკრატიის” აუსრულებელი იმედების ფონზე მოსახლეობის უკმაყოფილებასა და აპათიაზე. თეთრი ეიფორია იმედგაცრუებით შეიცვალა, რაც განსაკუთრებით გაძლიერდა უკრაინაში ღრმა სოციალურ-ეკონომიკური კრიზისის პირობებში. ამომრჩევლის პესიმიზმს ისიც აღრმავებს, რომ წინასაარჩევნო მარათონის წამყვანმა მონაწილეებმა კრიზისიდან გამოსვლის კონსტრუქციული პროგრამების შემუშავებას ურთიერთბრალდებებზე კონცენტრირება უფრო არჩიეს. პრეზიდენტობის ერთერთმა კანდიდატმა, უმაღლესი რადის ამჟამინდელმა სპიკერმა ვლადმერ ლიტვინმა წინასაარჩევნო კამპანია ”დუნედ მიმდინარე შიზოფრენიას” შეადარა და აღნიშნა, რომ კამპანიის დროს არ გაკეთებულა სიღრმისეული ანალიზი და არ გაჟღერებულა ახალი იდეები. ლიტვინის აზრს სავსებით იზიარებს რუსეთის სახელმწიფო სათათბიროს დეპუტატი სერგეი მარკოვი, რომელიც კიევში ევროსაბჭოს საპარლამენტო ასამბლეის დამკვირვებელთა მისიის ეგიდით ჩავიდა. მისი თქმით, ამომრჩეველთა მხრიდან ღრმა უნდობლობა ”ნარინჯისფერი რევოლუციის’ ტოტალურ კრახზე მეტყველებს”. მომზადებულია rian.ru-ს მიხედვით. | |
| ნანახია: 862 | რამოტვირთვები: 0 | | |
| სულ კომენტარები: 0 | |